Heartline: Wa pa pakasli | SunStar

Heartline: Wa pa pakasli

Time to read
less than
1 minute
Read so far

Heartline: Wa pa pakasli

Tuesday, May 23, 2017

DEAR Heartline,

Ako diay si Lea naay kapuyo. Magduha na among anak. Akong problema kay murag wala siyay plano nga pakaslan ko. Kung ingnan nako, igo lang mo-istorya nga istoryahan kuno. Duna ba gyud kaha ni siyay plano o igo lang ko niyang ipunan. Maayo lang gyud siyay makapabor. Please help.

Lea

*****

Hi dear,

Daghan gyud sa mga lalaki ang scared sa commitment. Feel man gud nila og makasal na sila nakatali na gyud sila ba. Mapansin man nimo nga naa gyuy ubang lalaki diha nga bisan og may mga anak na ug kaipon, mo-sideline gihapon, kay lagi wa pa man matali sa karelasyon.

Usa pa, ang mga lalaki, di sab na sila ganahan nga “pangunahan” sila.

Mas type nila nga ang desisyon maggikan kanila, di ng sige sila og samukon o balik-balikan og istorya.

Ipasabot sa imong kaipon ang kaayuhan nga pormal nga maselyuhan ang inyong panag-uban. Di lamang kini makahatag og kaayuhan kaninyong duha, apan labaw sa tanan sa inyong mga anak.

Kung ang matag usa kaninyo sure na gyud nga kamo gyud ang gitagana sa usag-usa, unsa may gidugayan. Naka-anak na gani mog duha.

Istoryahi lang ninyog maayo. Pasabta siya. Then, ayaw na sab anang kasal nga sobra ka bongga. Usahay rason nga di una mopakasal kay gasto kuno. Pwede man makasal nga simple ra. Ngano diay og mag pan ug kape ra or softdrinks aron level-up gamay, ang importante nabendisyunan ang inyong panag-uban.

Gipatik sa mantalaang Superbalita Davao Mayo 24, 2017.

View Comments