Hidilyn Diaz manguna's Children's Games 2017 | SunStar

Hidilyn Diaz manguna's Children's Games 2017

Time to read
1 minute
Read so far

Hidilyn Diaz manguna's Children's Games 2017

Tuesday, May 23, 2017

MANILA. Si Rio Olympics weightlifting silver medalist Hidilyn Diaz, tuo, migunit sa iyang medalya ngadto kang Philippine Sports Commission (PSC) Chairman William "Butch" Ramirez aron ipreserba sa PSC Museum kauban ang iyang Olympic competition uniforms atol sa courtesy visit sa PSC office sa Malate, Manila. Anaa sab sa hulagway sila PSC Commissioners Arnold Agustin ug Celia Kiram, inahan ni Diaz nga si Emelita ug PSC Commissioner Ramon Fernandez. (PSC)

DAVAO CITY -- Si Rio Olympics 2016 women's weightlifting silver medalist Hidilyn Diaz ang manguna sa pagbukas sa Philippine Sports Commission (PSC) nga nagpaluyo sa Summer Children's Games 2017, alas 8 sa buntag karong Huwebes, Marso 25, sa Rizal Park in Davao City.

Gikumpirma ni Diaz ang iyang pagbisita human sa courtesy visit sa Philippine Sports Commission (PSC) chairman William "Butch" Ramirez nga mitunol sa iyang Olympic silver ug iyang competition uniforms alang sa PSC Museum.

Apan, suma ni Diaz nga kadali lang siya sa siyudad tungod sa iyang skedyul nga pagbansay ug klase.

Nagpadayon siya karon sa iyang pag-eskwela isip scholar sa College of Saint Benilde.

"Saglit lang po ako hehehe," niya pa, dugang nga usa ka adlaw lang siya.

Una niini, mibista na siya niadtong Agosto 2016 human nakaplata sa Olympic Rio de Janeiro, Brazil.

Ang iyang pagbisita mao ang pagdawat gikan kang President Rodrigo Roa Duterte nga “cash incentive” sa nasyunal nga gobyerno sa iyang kadaugan ug gipresenta sab siya sa media.

Sila Philippine Basketball Association (PBA) Star Hotshots player Peter June Simon ug Philippine Superliga (PSL) Foton player Mary Grace "Shang" Berte, kinsa parehong nagsugod sa ilang “professional careers” sa Davao City, wala gitugotan sa ilang tim nga moanhi tungod hapit na magsugod ang ilang duwa.

Sila PSC Chairman Ramirez ug Commissioner Charles Raymond Maxey anaa sa tibuok tulo ka adlaw sa Summer Children's Games nga dunay boys under-12 3-on-3 basketball nga dulaon sa Rizal Park ug Davao City Police Office (DCPO) covered court ug girls under-12 volleyball sa Almendras Gym Davao City Recreation Center.

Ang Larong Pinoy himuon sab sa DCPO grounds.

Ang Summer Children's Games kabahin sa PSC's Sports for Peace program nga gihimo ni Chairman Ramirez.

Ang Barangay Sports Education Seminar himuon karong adlawa, alas 9 sa buntag didto sa The Royal Mandaya Hotel. (PR)

Gipatik sa mantalaang Superbalita Davao Mayo 24, 2017.

View Comments