60 tim sa 3-on-3 summer basketball | SunStar

60 tim sa 3-on-3 summer basketball

Time to read
less than
1 minute
Read so far

60 tim sa 3-on-3 summer basketball

Sunday, May 21, 2017

MOABOT sa kinatibuk-ang 60 tim gikan sa 30 napiling barangay ang magtigi sa Summer Children's Games 2017 3-on-3 basketball competition karong Mayo 25 didto sa Rizal Park ug Davao City Police Office covered court.

Matud ni Philippine Sports Institute (PSI) Davao City program officer Cholo Elegino sa pakighinabi sa SunStar Davao nga matag barangay i-endorso sa Liga ng mga Barangay Davao City, kinsa mopresenta og duha ka tim nga dunay 10 hangtud 12 anyos nga magkontra sa single round-robin fromat sa eliminasyon sa liga nga gitugotan sa Samahang Basketbol ng Pilipinas.

Ang Summer Children's Games 2017 gi-organisa sa Philippine Sports Commission ug PSI.

Dugang ni Elegino ang 60 tim i-grupo og 15 brackets.

Ang tim sa matag bracket moduwa sa single round-robin diin ang duha ka tim manguna nga maoy abante sa ikaduhang second round sa eliminasyon.

Ang modaug ang maoy igrupo sa walo ka brackets sa knockout Round of 16 aron mahibal-an ang quarterfinalists padulong sa semifinals ug kampeyonato.

Ang Championship game himuon sa Davao City Recreation Center karong Mayo 27. (ABM)

Gipatik sa mantalaang Superbalita Davao Mayo 22, 2017.

View Comments