Davao magpadala 200 ka atleta sa BPinoy | SunStar

Davao magpadala 200 ka atleta sa BPinoy

Time to read
1 minute
Read so far

Davao magpadala 200 ka atleta sa BPinoy

Saturday, May 20, 2017

MOABOT sa 200 ka atleta ang ipadala sa Davao City sa Mindanao leg of the Batang Pinoy 2017 National Championships sa Hulyo 9 hangtud 15 sa Oroquieta City sa Misamis Occidental.

Kini ang sulti ni Sports Development Division of the City Mayor's Office (SDD-CMO) officer-in-charge Mikey Aportadera, sa matag-Huwebes nga Davao Sportswriters Association (DSA) Forum didto sa The Annex sa SM City Davao.

Matud niya nga nakigkoordinar na siya sa lokal national sports associations (NSAs) sa preparasyon sa maong torneyo.

"We're good to go. The NSAs are the ones selecting the athletes. Everything is set. Our office is preparing the paperworks needed," ni Aportadera.

Apan niya pa nga may problema sa pagporma og baseball ug softball teams tungod sa edad.

Dugang sa SSS-CMO chief kung mahimo tanang kanhi Batang Pinoy champions mopresenta usab sa siyudad sa Oroquieta, naglaum siya makakita og bag-ong atleta diin ang 2016 national champions di na makaduwa pagbalik.

Ang Davao cycling team nakakolekta og kinatibuk-ang unom ka bulawang medalya, lima ka plata ug upat ka bronze sa Batang Pinoy nationals sa Tagum City niadtong milabay nga tuig.

Gikanayon niini nga si PhilCycling deputy secretary-general for Mindanao Salvador Paholio, Jr. magpahigayon og Summerfest 2017 Criterium Cycling Race sa Mayo 28 didto sa Crocodile Park aron mahimong eliminasyon sa Batang Pinoy qualifying leg.

Sila Richard Handumon, Jr. ug Myra Acedo ang nanguna sa Davao City's Batang Pinoy medal haul ug ang duruha gilaumang moduwa sa laing kompetisyon nga suprotahan sa lokal panggobyerno sa Davao pinaagi sa Sports Development Division of the City Mayor's Office (SDD-CMO) apan di na sila makaapil sa Batang Pinoy diin silang duha nag-edad na og 16 anyos. (MLSA)

Gipatik sa mantalaang Superbalita Davao Mayo 21, 2017.

View Comments