Opisyal, bomb expert patay sa pinusilay | SunStar

Opisyal, bomb expert patay sa pinusilay

Time to read
less than
1 minute
Read so far

Opisyal, bomb expert patay sa pinusilay

Tuesday, May 23, 2017

COTABATO CITY -- Patay ang usa ka opisyal sa Bangsamoro Islamic Freedom Fighters (BIFF) ug local bomb expert atol sa operasyon sa mga awtoridad, alas 2 sa kaadlawon niadtong Lunes.

Giila ang nakabsan sa kinabuhi nga mao si Murad Ali, alyas Kumander Abu Mohammad, estudyante ni Basit Usman ug bomb expert sa BIFF.

Gibutyag ni Maguindanao Police Provincial Office director, Senior Superintendent Agustin Tello nga gironda sa hiniusang puwersa sa CIDG-ARMM, 5th Special Forces Battalion sa Philippine Army, 19th IB, Maguindanao PPO, RRID ug Datu Odin Sinsuat Municipal Police Station ang gitaguan sa suspek pinaagi sa Oplan Paglalansag Omega didto sa Barangay Capiton, Datu Odin Sinsuat, Maguindanao Province.

Apan misukol si Ali sa raiding team hinungdan nga siya napatay samtang nadakpan sab ang usa niya ka kauban.

Gikanayon ni Tello nga si Ali aktibong miyembro sa Intelligence Division sa BIFF ilawom sa Karialan faction.

Bitbit sa raiding team ang search warrant kabahin sa paglapas sa suspek sa Republic Act 10591 ug 9516.

Narekober sa balay sa suspek ang usa ka ingram machine pistol, granada, mortar, ug mga kagamitan sa paggama og bomba.

Samtang gipamahayag ni Abu Amir, tigpamaba sa BIFF Karialan Faction nga dili maparalisa ang ilang grupo sa kamatayon ni Ali.

Sa pagsuwat ning balita, padayon pang gisukit-sukit sa militar ug kapulisan ang kauban ni Ali nga nadakpan kinsa wala pa hinganli gumikan kay duna pay laing operasyon ang mga awtoridad nga giplastar batok sa ilang grupo. (Edgar E. Fuerzas)

Gipatik sa mantalaang Superbalita Davao Mayo 24, 2017.

View Comments