Customs police gikiha sa piskalya | SunStar

Customs police gikiha sa piskalya

Time to read
less than
1 minute
Read so far

Customs police gikiha sa piskalya

Tuesday, May 23, 2017

GIPASAKAAN na og kaso sa piskalya ang nasikop nga customs police atol sa drug bust niadtong Lunes sa kaadlawon, Mayo 23.

Si Chief Inspector Ramil Macarampat, hepe sa San Pedro Police Station, nagbutyag nga Lunes gipasakaan og kaso sa City Prosecutor's Office ang dinakpan nga si Jose Salvador Yumang Batu Jr., 43, usa ka special agent 1 sa Bureau of Customs (BoC) ug residente sa 629 Gladiola Street, Barangay Buhangin Proper, ning dakbayan.

"Today [Martes] i-inquest nato ang suspect sa violation sa Republic Act 9165 didto sa City Prosecutor Office," sulti ni Police Chief Inspector Macarampat Lunes.

Dugang sa opisyal nga wa sila magdahom nga customs police ang suspek gumikan di kini mao ang ilang subject sa drug bust kundi ang kauban niini nga 16-anyos nga babaye.

Apan dihang positibong mobaligya ang babaye og gituohang druga, naapil sab og drug bust ang kauban nga lalaki kinsa naa sud sa sakyanan nga Honda CRV LGC-682.

Nakuha sa posisyon sa mga dinakpan ang linikit nga marijuana ug gituohang shabu nga mokantidad og P10 mil.

"Makonsidera nato nga high value target (HVT) ning suspek," ingon ni Macarampat.

Sa kasamtangan, balhog karon sa San Pedro Police Station ang dinakpan samtang ang menor de edad giendorso sa Quick Response Team for Children's Concern. (Jeepy P. Compio)

Gipatik sa mantalaang Superbalita Davao Mayo 24, 2017.

View Comments