12-anyos nga lalaki naghikog | SunStar

12-anyos nga lalaki naghikog

Time to read
less than
1 minute
Read so far

12-anyos nga lalaki naghikog

Tuesday, May 23, 2017

GUMIKAN sa balatian, gitapos sa usa ka 12-anyos nga batang lalaki ang iyang kaugalingon pinaagi sa paghikot og pisi sa iyang liog ug nagpabitay kini hinungdan sa iyang kamatayon.

Ang insidente nahitabo Lunes sa hapon, Mayo 19, Lower Madapo, Bankerohan, Barangay 8-A Poblacion, dakbayan sa Davao.

Gihangyo sa mga kabanay nga itago nalang ang pangalan sa biktima kinsa gihaya karon sa ilang balay.

Una niini, nakurat ug daw nahugno ang kinabuhi sa inahan dihang siya mismo ang nakakaplag sa iyang anak nga nagbitay na sa iyang kwarto kinsa naghikot og pisi sa iyang liog.

Sulti sa inahan nga daan nang misulay og pakamatay ang biktima apan ila lamang kining naluwas gumikan nasubo pag-ayo sa iyang balatian.

Wa na gisaysay sa kabanay unsay balatian nga gihambin sa biktima nga maoy hinungdan sa pagpakamatay niini.

Ang kapulisan sa San Pedro Police Station walay nakitang foul play sa kamatayon sa biktima.

Gipatik sa mantalaang Superbalita Davao Mayo 24, 2017.

View Comments