'Holistic plan' ipasumite kontra NPA | SunStar

'Holistic plan' ipasumite kontra NPA

Time to read
less than
1 minute
Read so far

'Holistic plan' ipasumite kontra NPA

Wednesday, May 03, 2017

TINIBUOK nga plano alang sa seguridad sa dakbayan sa Davao aron di gyud masudlan og terorista ug bisan ang pangatake sa rebeldeng New People's Army (NPA).

Kini ang order ni Davao City Mayor Sara Duterte-Carpio ngadto sa kapulisan ug kasundalohan aron anaa sa usa ka "holistic plan" ang seguridad sa dakbayan.

"I told them to come up with a holistic plan to address the concern
of terrorism and to ensure that the people are safe," sulti sa mayor.

Ang pamahayag sa mayor migula human napatay sa kapulisan ang giingong terorista, Martes sa buntag, didto sa Purok Dampa, Barangay Magtuod, kinsa nakuhaan og mga eksplosibo.

Si Davao City Police Office (DCPO) director Alexander Tagum nagkompirma nga sakop sa Abu Sayyaf Group (ASG) ug naggikan sa Basilan o di kaha Sulu ang napatay nga giila lamang sa alyas nga Bin Laden.

Sumala ni Tagum nga ang mga narekober nga mga eksplosibo sa bag
sa napatay nga terorista susama sa gipabusikad sa Roxas Night Market niadtong Septiyembre 2.

“We are still making validation and intelligence build up as to the identity of the suspect and also the (actual) group that he belonged
to,” sulti ni Tagum.

Padayon ang gihimong hot pursuit operation sa kapulisan sa giingong mga kaubanan sa napatay nga terorista nga nakasibat atol sa pinusilay niadtong Martes. (Jeepy P. Compio/CIO)

Gipatik sa mantalaang Superbalita Davao Mayo 04, 2017.

View Comments