Titser na si Paloma | SunStar

Titser na si Paloma

Time to read
less than
1 minute
Read so far

Titser na si Paloma

Tuesday, May 23, 2017

GIKAN pagbalik sa lumba, igo lang nilanding si Jenefer Paloma sa ika-duhang pwesto sa bago nahuman nga Dinagat Island Triathlon Race niaging semana didto sa Dinagat Island.

Gikalipay lang gihapon ni Paloma ang resulta diin naparot lang siya og duha ka minutos nga deperensya batok sa nikampyon nga taga Lanao del Norte.

Niuli ang Ironman World Championship qualifier og tam-is nga P30,000 nga ganti human sa lumba, diin gikomposar sa 1.5 kilometers (km) nga langoy, 40 km nga biking ug 10 km nga dagan.

Apan niadtong Lunes, dili gusto si Paloma makadungog og resulta sa Licensure Examinations for Teachers.

Si Paloma, usa ka gradwar sa Bachelor of Science in Education sa Pilgrim Christian College, hesitanteng motanaw sa mga resulta sa nakapasar ug igo lang nagpuyoay sa iyang panimalay.

Apan ang iyang boyfriend nga ginganlan og Alex maoy nibuak kaniya sa balita.

“Grabe akong kalipay pag-ingon ni Alex sa balita nga nakapasar ako,” ingon ni Paloma. “Abi ko ba nga sa lumba ra ko maayo.”

Naila og maayo si Paloma human gihawod niya ang Cobra Ironman 70.3 Asia-Pacific Championships 18-24 female category niaging tuig didto sa Sugbo.

“Teacher na gyud ako,” ang malipayong pulong ni Paloma.

Nihatag sab og pahalipay ang iyang sponsor nga si Barangay 21 chairwoman Gilda Go.

Gipatik sa mantalaang Superbalita Cagayan de Oro Mayo 24, 2017.

View Comments