Spurs giblangkohan sa Warriors | SunStar

Spurs giblangkohan sa Warriors

Time to read
less than
1 minute
Read so far

Spurs giblangkohan sa Warriors

Tuesday, May 23, 2017

GIBLANGKOHAN sa Golden State Warriors ang San Antonio Spurs agi sa 129-115 nga pagtuldok sa Game 4 atol sa ilang National Basketball Association (NBA) western conference finals niadtong Martes, Mayo 23, didto sa AT&T Center.

Nihuman si Stephen Curry og 36 puntos, unom ka assists ug lima ka rebounds, samtang nitala sab si Kevin Durant 29 puntos, 12 rebounds ug upat ka assists.

Wala maglisod ang Warriors sugod sa unang kwarter ug nalobo pa nila ang kinataas nila nga labaw nga 22 puntos sa dula.

Gikan ana, nakontrolar sa Warriors ang dula paingon pagkampante ngadto sa kadaogan.

Sama lang gihapon sa niagi, gisayangan og dako sa Spurs ang pagka-angol sa ilang bitoong saligando nga sila Tony Parker ug Kawhi Leonard.

Nilabaw ang Spurs og 25 puntos sa ika-tulo nga kwarter sa Game 1 ug kalit lang nabali ang hangin pabor sa Warriors human maangol ang tiil ni Leonard.

Naghulat nalang ang Warriors sa kinsa modaug sa eastern conference finals tali sa defending champions Cleveland Cavaliers ug Boston Celtics.
Labaw ang Cavaliers og 2-1 sa ilang siryi.

Gipatik sa mantalaang Superbalita Cagayan de Oro Mayo 24, 2017.

View Comments