Senador Aquino gisagop nga 'anak' sa Iligan | SunStar

Senador Aquino gisagop nga 'anak' sa Iligan

Time to read
1 minute
Read so far

Senador Aquino gisagop nga 'anak' sa Iligan

Tuesday, May 23, 2017

ILIGAN CITY -- Pinaagi sa mass motion, gideklara sa usa ka resolusyon sa City Council ning dakbayan, nga “adopted son” o sinagop nga anak sa Iligan si Senador Paolo Benigno "Bam" Aquino, atol sa iyang pagbisita dinhi niadtong Marso 18.

Gipangamahanan ni Konsehal Noli Pardillo ang maong resolusyon atol sa ilang regular nga sesyon nga gitambongan sa nasangpit nga senador dihang mibisita kini sa Iligan aron mobisita sa Negosyo Center dinhi.

"We are very thankful to him na nandito siya and we had a very pleasant discussion with him over lunch together with Vice Mayor Jemar Vera Cruz and the councilors," pamahayag ni Konsehal Pardillo sa wala pa niya giduso ang maong resolution.

Sa interview sa mga sakop sa media miingon si Aquino nga mibisita siya sa dakbayan aron susihon ang fabrication laboratory sulod sa campus sa Mindanao State University-Iligan Institute of Technology ug nakighinabi sa mga negosyante sa dakbayan nga natabangan pinaagi sa Negosyo Center.

"Matagal na nating trinabaho na magkaroon ng Negosyo Center dito kasama ang Department of Trade and Industry and the local government unit na binuo upang matulungan ang ating mga maliliit na negosyante," miingon si Aquino.

Ang Negosyo Center maoy resulta sa Go Negosyo Act of 2014 sa nasangpit nga senador.

Sa maong interview, miingon si Aquino, nga hapit na miabot sa 500 ang mga Negosyo Center sa tibook nasud, ug usa niini ang dinhi sa Iligan.

"Over 800,000 entrepreneur nationwide ang natulungan through financial ang trainings. This is part of the government program to help our micro, small and medium enterprises. This is also to give employment to our people," pamahayag ni Aquino.

Gipatik sa mantalaang Superbalita Cagayan de Oro Mayo 24, 2017.

View Comments