Pipila ka classroom sa Libertad dili na mapuslan | SunStar

Pipila ka classroom sa Libertad dili na mapuslan

Time to read
1 minute
Read so far

Pipila ka classroom sa Libertad dili na mapuslan

Tuesday, May 23, 2017

PANAHON pa sa pagpangulo ni Presidente Ferdinand Marcos ang pipila ka mga classroom sa Libertad Central School nga nahimutang sa dakbayan sa Libertad, Misamis Oriental.

Tungod sa kadugayon niini gimando na sa Department of Public Works and Highways (DPWH) nga angayan na gubaon ug tukoran og bag-ong classroom apan tungod kay wala pay igong budget nga gipagawas ang Department of Education national kinahanglan lang usa i-repair kini.

Si Ma. Asuncion Rafols, kinsa principal sa Libertad Central School, nibutyag sa interbyu sa SunStar SuperBalita nga mapuslan pa siya ning tuig hinungdan gihimo ang pipila ka pagrepair ug labihan ang kalipay nga gibati niini dihang sa tanan nga tunghaan sa elementarya sa Misamis Oriental mao kini ang napili sa kagamhanan sa probinsya ubos ni Governor Yevgeny Vincente Emano nga hatagan og pagtagad.

Kauban sa probinsya ang tanan nga ulo sa departamento sa kapitolyo ug sila mismo ang nihimo sa tree planting ug pagpanglimpyo, ingon man pagpangpintal lakip pag-ila sa mga kakulangon sa tunghaan.

Matud ni Rafols nga gikinahanglan kaayo nila nga malabat og semento ang likod nga bahin sa tunghaan tungod kay pangpang na kini ug delikado sa mga tinun-an nga kabataan.

Tungod niini wala mibalibad si Emano nga ihatag ang mga kakulangon sa tunghaan.

“Who am I to refuse nga alang man kini sa kalamboan sa tunghaan ug mahimong komportable ang mga kabataan sa ilang pagtoun,” matud sa gobernador.

Atol sa ilang brigada skwela nga gihimo niadtong Lunes, Mayo 22, midonar sab ang kagamhanan og grass cutter ug uban himan alang sa tunghaan.

Gipailisan usab sa kagamhanan sa probinsya ang ilang daot nga mga alkuba ug gipintalan ang ilang mga sen.

Mahulagway ang kalipay sa mga kabataan ug mga ginikanan dihang gipasalig ni Bambi nga iyang buboan ug tabang ang tunghaan.

Gipatik sa mantalaang Superbalita Cagayan de Oro Mayo 24, 2017.

View Comments