Lubog nga tubig gireklamo sa mga residente | SunStar

Lubog nga tubig gireklamo sa mga residente

Time to read
less than
1 minute
Read so far

Lubog nga tubig gireklamo sa mga residente

Tuesday, May 23, 2017

DAGHAN sa mga residente ang mireklamo sa kalubog sa tubig nga miagas sa gripo sa mga residente partikular sa Carmen, Lapasan ug Camaman-an area ning dakbayan sa Cagayan de Oro.

Ang assistant general manager nga mao si Jhong Batar sa Cagayan de Oro Water District (Cowd) nibutyag nga mismo sila nakadawat na og reklamo niini dili lang niadtong Martes, Mayo 23, apan niaging adlaw.

Gani daw kanunay ang ilang team sa pagmonitor kung asa kini nagikan ug una nagtoung leakage lamang kini labina nga lakip sa ilang gitotukan mao kining chlorine residual sa tubig.

Matud ni Batar nga ang este nga bahin sa dakbayan nagikan gayud sa ground water ug nagtoung gadala kini og balas ug gadikit sulod sa pipe maoy hinungdan sa kalubog nga mogawas sa gripo mga puloy-anan.

Hinuon ila na kining gisolusyonan nga problema ug nimando sa ilang monitoring team nga mawala kining kalubog sa tubig.

Samtang gipasabot niini nga dili kontaminado ang tubig sa Cowd apan kon mogawas nga lubog ang tubig daw mas maayong likayan usa ang pag-inom niini. (SVB)

Gipatik sa mantalaang Superbalita Cagayan de Oro Mayo 24, 2017.

View Comments