Lalaki napalgang patay sa suba | SunStar

Lalaki napalgang patay sa suba

Time to read
less than
1 minute
Read so far

Lalaki napalgang patay sa suba

Tuesday, May 23, 2017

NAPALGAN nga wala nay kinabuhi ang usa ka lalaki niadtong Lunes sa hapon, Mayo 22, diha sa suba sa Barangay Iponan ning dakbayan sa Cagayan de Oro.

Giila ang biktima nga mao si Miguel Roldan, hingkod ang edad, lumad nga taga Baikingon ning dakbayan.

Sa imbestigasyon sa Police Station 7 sa Bulua nasuta nga ang biktima nakita sa mga residente nga naglutaw hinungdan dali nga gitawag sa kapolisan.

Ang biktima daw medyo nanimaho na ug basi sa pamilya niini nga mitabok kini sa suba nga lango sa ilimnong makahubog ug posibleng tungod kay gabarag naman kini hinungdan nadala sa bul-og sa tubig paingon sa suba sa Iponan.

Hinuon walay nakita foul play sa patay'ng lawas niini gawas sa mga samad ug bun-og nga posibleng nabunal sa mga bato gumikan sa pagkaanod.

Hinuon ang kapolisan nirekomenda sa pamilya nga ipaubos kini sa otopsiya. (SVB)

Gipatik sa mantalaang Superbalita Cagayan de Oro Mayo 24, 2017.

View Comments