Tinun-an sikop sa drug bust | SunStar

Tinun-an sikop sa drug bust

Time to read
less than
1 minute
Read so far

Tinun-an sikop sa drug bust

Thursday, May 04, 2017

USA ka tinun-an sa high school ang nasikop sa drug bust niadtong Miyerkules, Mayo 3, alas 2 sa hapon sa JR Borja extension, Barangay 36, dakbayan sa Cagayan de Oro.

Ang suspetsado naila nga si James Patrick Arcanses Lim, alyas James Abargues Dela Vega, 22, ulitawo, taga Barra, Macabalan ning dakbayan.

Sa nahipos nga impormasiyon gikan sa Police Station 1 sa Divisoria, gibutyag nga ginamit ang P500 napalitan og tulo ka pakete sa shabu si Lim.

Nakuha usab gikan sa posisyon niini ang laing duha ka mga pakete sa shabu.

Gibana-banang moabot ngadto sa P8,340 ang kantidad sa nakuha nga ginadiling droga gikan sa suspek nga adunay gimbug-aton nga 1.39 nga gramo.

Samtang nasikop usab sulod sa motel sa Capistrano-Yacapin Streets ning dakbayan si Richard Yabut Toyogon, 28, ulitawo, taga Barangay 18 ug nakuhaan sa laing tulo ka pakete sa shabu nga adunay gibanabanang kantidad nga P2,160.

Sa pagkakaron, ang suspek ang nagtingkagol na sa Maharlika Detention Cell alang sa pagpa-abot sa tukmang kaso batok niini.

Gipatik sa mantalaang Superbalita Cagayan de Oro Mayo 05, 2017.

View Comments