10 ka sako nga ‘shabu’ nasakmit | SunStar

10 ka sako nga ‘shabu’ nasakmit

Time to read
less than
1 minute
Read so far

10 ka sako nga ‘shabu’ nasakmit

Thursday, May 04, 2017

NAPULO ka sako sa gituohang shabu ang nasakmit sa drug bust niadtong Miyerkules, Mayo 3, alas 7 sa gabii sa Valenzuela Street, Lapasan, dakbayan sa Cagayan de Oro.

Kini human nasikop ang usa ka high value target (HVT) nga nailang si Bolkiah Salong Ala alyas Akil, 22, ulitawo, taga 12-IB, Marawi City apan kasamtangang nanimuyo sa usa ka boarding house sa nahisgutang dapit.

Gibutyag ni Divisoria Police Station 1 Chief Maricris Mulat nga gikonsiderang HVT si Ala tungod sa ubay-ubay ka mga shabu nga nahipos gikan niini.

“I’m sure naa pa gyud ni siya’y source nga nag-supply pud sa iyaha og shabu, considering sa drugs nga atong nakuha sa iya 50 grams ma-consider ni siya nga high value target,” pahayag ni Mulat.

Nasayran nga si Ala ang gitudlo ni Lim o alyas James Dela Vega nga maoy nag-supply kaniya sa giingong shabu hinungdan nga nagpahigayon ang mga otoridad og follow-up operation.

Nakuha gikan sa suspek ang 10 ka mga sako sa shabu nga gibanabanang nagkantidad og P300 mil diin adunay gimbug-aton nga 50 gramo lakip na ang drug bust money.

Sa pagkakaron, ang suspek ang nagtingkagol na sa Maharlika Detention Cell ug padayon pa nga gi-imbestigahan sa mga otoridad.

Gipatik sa mantalaang Superbalita Cagayan de Oro Mayo 05, 2017.

View Comments